Arestado ang isang 65-anyos na lola kasama ang dalawa pang kasabwat dahil sa umano'y pagsasagawa ng ilegal na aborsyon sa Barangay Caretas, Cebu City.

Ayon sa pulisya, isinasagawa ng matandang babae ang aborsyon kahit wala itong sapat na medical training o lisensya upang magsagawa ng ganoong sensitibong operasyon.

Kalakip sa mga naaresto ang isang lalaking nagsisilbing drayber ng grupo at isa pang itinuturong middleman na siyang nag-uugnay sa mga kliyente.

Natuklasan na ginagamit ng grupo ang isang Facebook page upang maghanap ng mga kababaihang nais magpalaglag ng kanilang ipinagbubuntis. Doon sila nakikipagtransaksyon sa halagang ₱40,000 kada aborsyon.

Batay sa imbestigasyon, mula pa noong 2021 ay aktibo na sa ilegal na gawain ang tatlong suspek.