Tila napundi na si Nadine Lustre sa walang patumanggang pambabatikos sa kanya kaya naman nagsampa siya ng kaso na may kinalaman sa Safe Spaces Act.

Sinuportahan naman ng ML party-list ang move ni Nadine. Isa si Nadine sa mga nag-endorse ng ML party-list noong nakaraang mid-term election.

Ipinost ni Leila de Lima sa kanyang Facebook account ang photo ng pag-file ni Nadine ng kaso kalakip ang mahabang mensahe.

“We at ML Partylist express full support for Nadine Lustre as she files a complaint for violation of the Safe Spaces Act in response to the relentless and malicious attacks she has endured.

“This is a necessary step in a time when social media is being used to silence voices that speak for justice and reform. Ginagamit ang mga plataporma para buwagin ang makabuluhang diskurso at palitan ito ng galit at paninira.

“We believe in freedom of expression. Pero ang kalayaang ito ay hindi dapat gamitin laban sa katotohanan, dignidad at demokrasya.

“Expression becomes dangerous when it is driven by disinformation and personal malice.

“Marami sa mga lumalabas sa social media ngayon ay hindi maituturing na opinyon.

“These are part of deliberate effort to harass, discredit and instill fear. May masamang intensyon. May malinaw na layunin na patahimikin ang mga tumitindig.” 

Sa huli ay inihayag ni Leila de Lima ang buong suporta kay Nadine.

“We support Nadine. Her case is a stand for truth and accountability. Make no mistake: we will push back against this kind of behavior. Hindi ito katanggap-tanggap. Hindi ito dapat palampasin.

“Maraming salamat, Nadine, sa tapang at paninindigan. Sa bawat hakbang mo, mas lumalakas ang laban para sa isang makatao, makatarungan, at demokratikong lipunan.”