Doktor, natagpuang patay sa sasakyan sa Naga City

Natagpuan ang isang doktor sa loob ng kanyang kotse na wala nang buhay at may tama ng baril sa ulo sa Naga City kahapon, 16 Pebrero.

Kinilala ang nasabing doktor na si Dr. Rajean Monette Romualdez ng Bicol Medical Center, ayon kay Naga City Mayor Nelson Legacion.

Ayon pa kay Legacion, natagpuan ang katawan ng doktor sa loob ng sasakyang nakaparada sa Monterey Village sa Brgy. Concepcion Pequeña.

Base sa imbestigasyon ng pulisya, ang 36-anyos na biktima, na isang obstetrician-gynecologist, ay nakita umanong kasama ang suspek bago nangyari ang krimen. Natagpuan ang duguang katawan nito sa passenger seat.