Sa susunod na linggo, magsisimula na ang National Food Authority (NFA) na mamahagi ng bigas sa Kadiwa Store at sa mga piling pamilihan.

Ang dahilan nito ay upang magkaroon ng espasyo ang mga bodega dahil malapit na ang panahon ng anihan, kaya kinakailangang mabawasan ang mga nakaimbak dito.

Kabilang sa mga babawasang bodega ay ang sa Ilocos Region, Cagayan Valley, Central Luzon, Western Visayas, at SOCCSKSARGEN.

Dahil sa food security emergency, maaari nang ilabas ang mga bigas alinsunod na rin sa utos ng Department of Agriculture.

Ang mga lumang bigas na nakastock ay maibebenta sa halagang P29 kada kilo at ito ay ibebenta lamang sa mga senior citizen, persons with disabilities, at mga benepisyaryo ng Pantawid Pamilyang Pilipino Program (4Ps). Ito ay makakatulong sa mga tao dahil ibebenta lamang ito sa abot-kayang presyo.