Isinilang na ng Kapuso host at aktres na si Iya Villania-Arellano ngayong Martes ng umaga ang anak nila ng kanyang mister na si Drew Arellano.

Sa isang social media post, ipinakita ni Drew, bilang isang proud daddy, ang kanilang bagong baby na pinakabagong miyembro ng kanilang pamilya.

Sa caption, nakasaad ang pangalan ng kanilang baby girl na si Anya Love Villania-Arellano, pati na rin ang petsa ng kanyang kapanganakan noong 11 Pebrero 2025, sa ganap na 10:52 a.m.

Umani naman ng maraming pagbati at likes mula sa kanilang mga kapwa artista at tagasubaybay ang naturang post.

 Sa pagdating ni Anya Love, dalawa na ang anak nilang babae at tatlo ang lalaki.

 Matatandaang noong Setyembre 2024, inanunsyo ng mag-asawa ang tungkol sa kanilang paparating na baby, na ayon sa kanila ay hindi planado.