Bumisita si Makati Mayor Abby Binay kahapon sa mga lungsod at munisipalidad sa Ilocos Sur at Ilocos Norte, kung saan siya ay malugod na tinanggap ng mga lokal na opisyal at residente sa kanyang pagbisita sa Vigan, Caoayan, at Cabugao sa Ilocos Sur, gayundin sa Batac at Bacarra sa Ilocos Norte.

“Masaya ako na nakabisita ako sa sister-localities of Makati dito sa Ilocos Region. Binigyan ako nito ng pagkakataong makita kung ano ang kalagayan nila at makinig sa mga plano at hamon na kinakaharap ng kanilang mga pinuno,” saad ni Binay

 “Ang mga unit ng lokal na pamahalaan ay dapat makapag bahagi ng mga pinakamahusay na kasanayan at technical expertise upang maging mas malakas at mas may kakayahang magpatupad ng mas mahusay na mga programa para sa edukasyon, kalusugan at paghahanda sa sakuna,” dagdag pa niya.

Nagpaabot din ang lungsod ng tulong pinansyal sa iba't ibang lugar na nasalanta ng kalamidad, kabilang ang mga lungsod ng Vigan, Caoayan, at Batac.