Bago mag-break ang Kongreso, tiniyak ni House Secretary General Reginald Velasco na maaaksyunan ang impeachment complaints laban kay Bise Presidente Sara Duterte.

Sa isang panayam, sinabi niya na ngayong linggo na ang deadline para sa naturang impeachment complaints . Hinihintay rin niya ang ang ika-apat na impeachment complaint na mas pinabilis o diretso na sa Senado ngunit sa ngayon, hindi pa naihahain ang panibagong impeachment.

Ayon pa kay Velasco, sapat na ang panahon na ibinigay para sa mga magsasampa kaya kung wala pa usad, ay ita-transmit na ng Office of the Secretary General sa tanggapan ni House Speaker Ferdinand Martin Romualdez ang naunang tatlong impeachment complaints.