Isang malakas na pagsabog ang naganap sa isang bahay at gumulat sa mga residente sa Brgy. Sahud Ulan Tanza, Cavite alas singko ng umaga nitong Lunes.

Kasabay nito, nabisto na isa palang shabu factory na nagooperate ang nirentahang bahay na ito na agad naman nakatakas ang mga tenants nito.

Kita sa cctv unang umalis sa bahay ang dalawang lalaki patungong Antero Highway at sinundan pa ng dalawang lalaki at dalawang babae.

Matapos maapula ng mga bumbero ang sunog sa nasabing bahay natuklasan ng mga ito ang isang kwarto na pinaniniwalaang doon ginagawa ang mga droga.

Nasa 20 kilos na iligal na droga ang nakumpiska ng Philippine Drug Enforcement Agency o PDEA na sinasabing doon din ginawa base na rin sa mga iba pang nakalap na ebidensya.

Patuloy naman inaalam ang pagkakakilanlan ng mga nagsitakas na tenants.