Patuloy na umaasa si Bise Presidente Sara Duterte na magtutulungan ang Pilipinas at Tsina kasabay ng pagmarka ng ika-50 na taon ng diplomatics ties.

Sa kanyang pahayag sa isang maikling video message para sa Chinese New Year 2025 na pinangunahan ng Chinese Embassy, sinabi nito na hangad nya na ang dalawang bansa ay pagyamanin ang bilateral relations alinsunod sa sovereign equality sa loob ng limang dekada at sabay na pagkamit sa iba’t-ibang tagumpay sa lahat ng larangan.

Pinahalagahan din ng bise presidente  ang kasalukuyang taon bilang makabuluhan para sa dalawang bansa dahil ipinadiriwang ng mga ito ang kanilang ika-50 na anibersaryo ng pagkakatatag ng diplomatikong relasyon.

Binigyang bati din niya ang Chinese Embassy of Manila at ang ambassador nito na si Huang Xilian maging ang Federation of Chinese Chambers of Commerce and Industry Inc, Federation of Filipino Chinese Association of the Philippines maging ang Chinese Chamber of Commerce and Industry Inc.