Nasa bansa ngayon ang world-renowned multi-Michelin-starred chef and TV personality na si Gordon Ramsay.

Nasa isang libo rin ang dumalo sa exclusive event na ginanap sa Newport Performing Arts Theater sa Pasay City ngayong Lunes. Kabilang ang mga celebrity chef, food influencer, culinary students at mga fans.

Namataan din sa mga dumalo ang celebrity chef na si Judy Ann Santos, Food influencer na si Ninong Ry, Ang Head Chef ng Gordon Ramsay Bar & Grill PH na si Bea Therese Qua at ang culinary student na si Danica Lucero na nagpasiklaban ]sa patimpalak na Masterchef-like cooking challenge na kung saan gagawa sila ng kanilang bersyon ng ating sikat na dessert na halo-halo.

Pagkatapos 10 minutong hamon, napili ni Gordon ang standout Halo-Halo ng culinary student na si Danica at binigyan niya ito ng jacket na may signature bilang kanyang premyo.