Kaila Estrada nag-action sa Incognito

Matapos gumanap bilang Bettine Tiu sa “Can’t Buy Me Love” at Sylvia Lualhati sa “Linlang,” sumabak naman sa aksyon si Kaila Estrada sa “Incognito” bilang Max Alvero.

“Dream come true para sa akin talaga. I’m so excited for people to see this show,” say ng dalaga sa isang recent interview.

“I love watching action films. I even rewatched some of my favorite action flicks for this. Hindi ko pa masasabi kung matatapatan ko si Angelina Jolie pero I hope, abangan nyo na lang siguro,” dagdag pa niya.

Sa isang resort sa  El Nido, Palawan ginawa ang ilang eksena sa “Incognito.”  Manghang-mangha si Kaila sa ganda ng lugar.

“El Nido was beautiful. It was such a nice place to shoot as well. We had a lot of interesting scenes, I hope people are excited,” say ni Kaila.

“We’ve trained so hard for this, before we even started taping. Sobrang saya ng mga trainings namin. Na-apply na namin siya sa Palawan pa lang,” dagdag pa niya.

Bilib din si Kaila sa mga co-star niya sa series tulad nina Richard Gutietrez, Daniel Padilla, Ian Veneracion, Anthony Jennings at Maris Racal.

“They were all so professional. Actually, extra effort akong humabol sa kanila. Kasi I feel like it’s so natural for them. Medyo extra effort, pero you know what? Challenge is always good ‘coz it means growth and I’m learning so much already. We just shot our pilot (episode) so I’m really excited for Italy and what this cycle will bring,” say niya.