Analain Salvador bongga ang role sa ‘Lavender Fields’

Hindi inakala ni Analain Salvador na markado ang role niya sa “Lavender Fields.”

Bilang Heather, ang anak ni Edu Manzano sa series at kapatid sa ama ng character ni Janine Gutierrez, markado ang papel ng dalaga.

“I really didn’t have the idea about the character… I mean, a little bit but not super deep na ganun pala yung character,” say ni Analain sa interview niya sa isang online website.

“So, I kinda expected na it’s gonna be this mataray sister na kontrabida lang. But I didn’t expect my character to be as to be as crazy as it’s getting right now. Hindi ko ini-expect,” dagdag pa niya.

May agam-agam ang dalaga kung kakayanin niya ang kanyang role bilang Heather.

“So, when I was reading, reading the script, grabe. Wow! Parang natakot ako… parang, ‘Kaya ko ba to?’ Kakayanin dapat.

“But with the help of Tito Edu, our director, Direk Jojo [Saguin] and Direk Manny [Palo]. Kinaya naman,” say ng dalaga na nakasama na pala si Janine sa “Marry Me, Marry You.”

“I was very grateful na they gave me the role. I really didn’t expect it. Kasi for almost two years, I didn’t have any acting jobs. Lagi lang pong workshop and then, the Star Magic Volleyball, just workshop. So, iba pa rin yung feeling na mabigyan ng ganitong role “ say niya.