Kim Domingo mainit  na tinanggap sa ‘Batang Quiapo’

Halos isang linggo ang pahulaan kung sino ang bagong female character na papasok sa number one teleserye sa bansa, ang Batang Quiapo.

At ang pinakahihintay na harapan nina Tanggol played by Coco Martin at Kim Domingo, playing Madonna, ay naganap na.

Umaatikabong bakbakan at barilan ang nangyari sa pagitan ng dalawa hanggang matanggal ni Tanggol ang bonnet na suot ni Madonna.

Misteryoso pa sa ngayon kung ano ang role na gagampanan ni Kim bilang Madonna. Kung siya ba ay kaaway o kakampi ni Tanggol.

Mainit ang pagtanggap kay Kim bilang karagdagang character sa “Batang Quiapo.” Walang nam-bash sa kanya at lahat ay nagkakaisa sa pagsasabing bagay na bagay sa kanya ang action role.

“Welcome sa kapamilya network miss Kim Domingo.

galing ni miss Kim bagay yung role niya pinaghandaan talaga.”

“Welcome Sa Kapamilya Kim Domingo Sana Pumirma ka sa Star Magic at Abscbn Maganda at Magaling.”

“Angas nya! malaAngelina Jolie ang galawan.”

“Lalo ka sumeksi miss Kim Domingo...kabang abang nnman ang mga tagpo every night.”

Ang “Batang Quiapo” ay mapapanood gabi-gabi, 8 p.m. sa Kapamilya Channel, Kapamilya Online Live, Cinemo, A2Z, at TV5! Mapapanood rin ito sa iWantTFC at TFC.