Isa si Christy Imperial sa bagong batch ng Vivamax stars na ipinakilala kamakailan sa media.

Isa rin siya sa mga bida sa “Dirty Ice Cream” movie na streaming na ngayon sa Vivamax.

Bilang isa sa cast, natanong si Christy kung ano ang isang bagay na nakakapagpatunaw sa kanya.

“Sa akin, siguro yung dahan-dahan kang bubulungan sa tenga. Alam mo yun? Tapos dahan-dahan kang bubulungan ng ‘Ang ganda mo.’ Wala lang. Parang nakakakiliti lang,” say ng dalaga.

Puring-puri ni Christy ang “Dirty Ice Cream” movie nila dahil hindi lang ito sexy movie.

“Ako yung uhaw sa atensyon. Madali siyang magtiwala. Yun din ang magagandang makukuha sa Dirty Ice Cream.

“Hindi lang siya puro love scenes. Dito malalaman kung paano ba magtiwala or lessons learn ‘wag tayong basta maniwala,” say ng dalaga.

Singer pala si Christy bago siya sumabak sa paseksihan. Kabilang siya sa Ppop generation, isang female group na inilunsad ng Viva Records noong 2019.