Ang sentro ng Minnesota Timberwolves na si Rudy Gobert ay pinagmulta ng National Basketball Association noong Martes ng $75,000 para sa tinatawag ng liga na “paggawa ng hindi naaangkop at hindi propesyonal na kilos” na kumwestiyon sa “integridad ng mga opisyal ng liga at laro.”

Ang Pranses ay nakita ng mga camera sa telebisyon na hinihimas ang kanyang hinlalaki sa kanyang mga daliri, pahiwatig na nagbibilang ng salapi, sa laro nila laban sa defending champion na Denver noong Linggo sa Minneapolis. Talo ang Timberwolves sa Nuggets, 115-107.

Ang inasta ni Gobert ay naganap matapos magreklamo siyang matawagan ng ikalawang foul may 4:10 pang natitira sa ika-apat na quarter.

Nakuha ni Gobert ang kanyang record-tying na pang-apat na NBA Defensive Player of the Year award noong nakaraang linggo.

Ang pagkatalo naman nila ay nagpatabla sa serye ng T-Wolves at Nuggets sa dalawang panalo bawat isa sa kanilang best-of-seven Western Conference second round series.

Sinabi ng NBA na isinasaalang-alang ng multa ang “kasaysayan ng hindi tamang pag-uugali ni Gobert sa mga referee.

Si Gobert ay dati nang pinagmulta ng $100,000 noong Marso 10 para sa parehong paglabag sa regulasyon sa kanilang 113-104 overtime na pagkatalo sa Cleveland.

Pagkatapos ng patimpalak na iyon, sinabi ni Gobert na ang pagsusugal ay nakakasama sa isport.