Isang 74-anyos na ginang ang namatay matapos umanong tagain ng kanyang sariling anak habang natutulog sa kanilang bahay sa Talisay, Batangas.

Batay sa mga ulat, sinabing natutulog sa sofa ang biktima nang bigla na lang pagtatagain ng suspek nitong Martes ng gabi sa Barangay Aya at ayon sa mga otoridad, matapos pagtatagain ang kaniyang ina, pinuntahan ng 38-anyos na suspek ang kalapit na bahay ng kaniyang pinsan at pinatataga rin ito, kasama ang dalawang anak.

Nang madinig ng mga kapitbahay ang paghingi ng tulong ng mga biktima, pinuntahan nila ang bahay at napilitan nang tumakas ang suspek. Naaresto naman ng mga otoridad ang suspek nitong Miyerkules ng umaga.

Sinabi ni Police Major Billy John Mactal, hepe ng Talisay Police Station a wala pang linaw kung bakit ginawa ng suspek ang krimen at wala rin umanong nabanggit ang mga biktima kung gumagamit ng ilegal na droga ang suspek.