Iniulat ng mga otoridad na dalawang lalaki ang nagtangkang looban ang isang café sa Novaliches, Quezon City nitong Huwebes Santo at nakita sa CCTV kung paano pumasok ang dalawang suspek sa establisyimento.

Ayon sa mga pulis, nangyari ang insidente sa Barangay Sta. Monica at sa kuha ng CCTV, nakita ang dalawang salarin na pumasok sa loob ng café mula sa likuran. Sinubukan nilang buksan ang kaha ngunit nahirapan sila.

Kinuha nila ang barena mula sa toolbox at binalikan ang kaha, pero bigo pa rin silang buksan ito kaya nagpasya silang damputin na lang ang speaker na nasa counter at dalawang helmet.