Nagtabla ang Team Japeth at Team Mark, 140-140, sa kanilang laban sa Philippine Basketball Association All-Star kahapon sa University of St. La Salle sa Bacolod.

Nabuhay si Robert Bolick ng Team Mark Barroca at nagbaon ng mahabang bomba sa huling 34.6 segundo ng fourth quarter upang bawasan ang lamang ng Team Japeth, 140-135. Pagkatapos ay muling kumonekta si Bolick sa isang mahabang basket na may kasamang foul mula kay Calvin Oftana upang kumpletuhin ang isang five-point play na nagpatabla sa score.

Wala sa alinmang koponan ang nakapagpasok ng panghuling basket hanggang sa maubos ang oras.

Bagama’t hindi nakuha ng Team Mark ang panalo, ito ay isang malaking pagsisikap mula sa koponan ni Jorge Galent habang binura nila ang malaking lamang sa unang bahagi ng laro, na umabot ng 26 puntos.

Kumana si Aguilar ng back-to-back alley-oop dunks para madaliang bigyan ng anim na puntos ang koponan, 136-119. Ang Team Mark, gayunpaman, ay nagkaroon ng counter attack na 21 puntos laban sa dalawa ng kalaban upang makalapit.

Ang isang dunk sa laban ngayong taon ay katumbas ng tatlong puntos, isa sa mga bagong tuntunin na ginawa ng liga para sa taunang kasiyahan.