Bus sumalpok sa trak, lima sugatan
Text size
Iniulat ng mga otoridad na nasa limang katao ang nasugatan nang sumalpok ang isang pampasaherong bus sa nakaparadang truck sa gilid ng Andaya Highway sa Barangay Cabutagan, Lupi, Camarines Sur.
Ayon sa mga ulat, nangyari ang insidente dakong alas-kuwatro ng umaga noong Sabado.
Nawasak ang unahan ng bus sa lakas ng pagkakabangga. Tumagal nang halos tatlong oras ang rescue operation para sa driver ng bus na naipit sa nayuping bahagi ng bus.
Nagtamo ng matinding pinsala sa katawan ang driver. Apat na pasahero rin ang sugatan. Isinugod silang lahat sa pagamutan.
Nagpapatuloy ang imbestigasyon ng Lupi Municipal Police Station ukol sa insidente.