Mukhang magkakaroon na naman ng bagong TV series ang aktres na si Angel Locsin – ang Philippine remake ng French series na "Call My Agent" na sisimulan ang shooting sa Abril o Mayo, 2023.

Makakasama umano ng aktres si Edu Manzano.

Ang direktor ng "Call My Agent" ay ang nanalo sa ika-5 edisyon ng The EDDYS at sa Gawad Urian 2022 para sa pelikulang "On the Job: The Missing 8" na si Erik Matti. Ang executive producer nito ay si Dondon Monteverde at isusulat nina Senedy Que, Jingky Laurel at Chris Violago.

Pero hindi ito mapapanood sa Kapamilya network dahil ang eight-part series ng serye ay sa HBO Go eere.

Ayon pa sa post, "Call My Agent! is a 2015 comedy-drama that follows the lives of agents at Parisian talent firm Agence Samuel Kerr after the death of their founder. The series is currently available in the Philippines via Netflix."

Pagkalipas ng tatlong taon ay mapapanood na ulit si Angel na umaarte at nag-aaksyon. Huli siyang napanood sa "The General's Daughter" noong 2019. Pero napanood naman siya bilang host ng programang "Iba 'Yan" last year na ang asawang si Neil Arce ang direktor.