CSC nagbigay babala sa mga empleyado at mga opisyal ng gobyerno na maaari silang maparusahan sa pagtanggap ng mga regalo ngayong Pasko

Maaaring mapatawan ng parusa ang mga opisyal at empleyado ng gobyerno kung tatanggap sila ng anumang regalo ngayong darating na Kapaskuhan, ayon sa Civil Service Commission.

Hinimok ni CSC Chairperson Karlo Nograles ang mga public servants na magalang na tumanggi sa mga tokens upang maiwasan ang komplikasyon.

Mahigpit na ipinagbabawal sa ilalim ng batas na tumanggap ang mga kawani ng gobyerno ng mga regalo.

Maghihigpit rin ang CSC tungkol sa sponsorships, tulad ng paghingi ng mga papremyo sa raffle para sa Pasko o katapusan ng taon.