Andrea Torres, na-touch

Talagang naantig ang puso ng aktres na si Andrea Torres dahil sa mga papuring nakukuha niya sa pagganap niya bilang si Sisa sa GMA historical portal fantasy series na Maria Clara at Ibarra.

Sa kanyang pagganap nang tuluyan na siyang mabaliw dahil nawawala na ang kanyang mga anak, trending ang dalaga lalo na noong bitawan ni Andrea ang iconic lines ni Sisa mula sa novela na Noli Me Tangere ni Dr. Jose Rizal.

"Mahal kayo ng nanay. Anak ko. Crispin! Basilio! Nasaan na kayo? Hindi ko kaya."

Kinabukasan, dumagsa sa Twitter ang mga papuri ng netizens sa pinakitang husay ni Andrea bilang si Sisa. Kaya nanatiling trending ang hashtag na #MCIKumpisal

Ayon sa Twitter user na si @Binibini_Marik8: "Crispin, Basilio, mga anak ko!" I will never think about Sisa without thinking about @andreaetorres great execution and portrayal. I am beyond amazed on how talented this woman really is. #MCIKumpisal"

Nabasa at natuwa si Andrea sa mga positive feedback sa kanyang performance as Sisa. Kaya nagpasalamat siya sa mga papuring natanggap niya mula sa mga netizens sa Twitter.

Tweet ni Andrea: "Ay grabe sasabog ang puso ko. Sobra kong naappreciate. Lalo na pag sinasabi niyo na di na lang basta baliw si Sisa sa paningin niyo. That's the best."