Kristel Fulgar, may new contract

Pumirma pala ng kontrata sa entertainment agency na Five Stones Entertainment sa South Korea ang actress-singer at content creator na si Kristel Fulgar at ibinahagi niya ito sa kanyang latest vlog sa YouTube.

Ipinakita ng dalaga ang naganap na meeting nila ni Jay Han, ang CEO ng nasabing talent agency.

"So I signed with Five Stones Entertainment because for me to have a working visa here in Korea. Kasi kapag kumuha ako ng student visa, they would require me two semesters," sabi ni Kristel Fulgar.

"Six months 'yun na mag-aaral ako and ayoko na mag-aral ako ng six months. And then Big Boss (Yohan Kim) is friends with CEO Han and then he asked for favor," dagdag niya.

Matapos mag-sign ng contract sa Five Stones, agad ding nakuha ng Kapamilya actress ang kanyang working visa sa South Korea.

"Since they (Yohan at Mr. Han) are friends and they do business together, they said they would provide me an E6 Visa, which is a working visa here in Korea," sabi pa ng vlogger.

Ine-encourage rin siya nina Yohan na subukang mag-showbiz sa Korea, "He said, 'Why not try out show business here?' But I'm not prepared for that guys, so huwag muna kayo mag-e-expect."

Ayon sa dalaga, hindi pa siya masyadong confident sa pagsasalita ng South Korean language, "Huwag muna mag-e-expect na mag-aartista ako rito, ganyan.

"Kasi nga hindi pa ako ganu'n ka-confident mag-Korean. Later na, let's see. Kung ano 'yung matutunan ko sa school baka magkakaroon ako ng confidence," aniya.

Lahad pa ni Kristel, "Alam mo 'yung showbiz sa Philippines is so tough now, how much more here? I am not expecting anything here. I just want to enjoy! When I'm starting to think about it, parang I feel pressured.

"Let's see kung anong mangyayari sa life ko dito sa Korea. Again huwag kayo mag-e-expect, after ko mag-study ng Korean language, malay mo naman," dugtong ng aktres at singer na dumating sa Korea noong September.