Pumalo na sa 100 pasahero ng barko ang stranded sa Northport Passenger Terminal sa Maynila Biyernes ng hapon, kabilang ang ilang sanggol at senior citizen, matapos kanselahin ang biyahe nila patungong Bacolod dahil sa bagyong Paeng.

May mga galing pa ng Ilocos Norte, Camarines Sur, Cavite, Bulacan at Pampanga.

Paliwanag ng shipping company na 2GO, prayoridad nila ang kaligtasan ng mga pasahero, kaya kinailangan nitong magkansela ng ilang biyahe ng barko sa gitna ng masamang panahon. Pero pwedeng magpa-rebook nang libre o magpa-refund.

Magbibigay din ang kompanya ng shuttle service sa mga interesadong pasahero na nakansela ang biyahe. Sa Baclaran, Lawton, Taft, at Cubao ang drop-off points nito.

"Safety is a primary priority for us at 2GO, especially at this time," sabi nito sa isang pahayag.

"For the safety and convenience of passengers boarding SFX from Manila and Coron, MLG from Cebu, and MSN from Iloilo, we advise waiting for 2GO's official text message before going to the pier," paalala ng 2GO.

"To rebook or refund, please head to the nearest 2GO Corporate Ticketing Outlet or to the store that issued your ticket," dagdag nito.

"We advise to constantly check on the latest weather bulletins from PAGASA before heading for the pier to spare you from any inconvenience due to possible further cancellations. Stay tuned for updates on our official social media channels," ayon pa sa kompanya.