Kinilala bilang isa sa "Woman of Style and Substance" ngayong taon ng lifestyle magazine na "PeopleAsia" ang pambato ng bansa na si Miss Universe Philippines 2022 Celeste Cortesi sa isang awarding ceremony sa Okada Manila nitong nakaraan.

Tinanggap ng 24-year-old Filipino-Italian beauty queen ang "trophy" suot ang black off-shoulder gown na gawa ni Anthony Ramirez at sa kanyang IG, ipinost din si Celeste ng kanyang litrato habang hawak ang nakuhang patimpalak.

Nagpapasalamat ang beauty queen at sinabing hindi lang dapat makita sa pisikal na anyo ng isang babae ang pagiging "woman of style and substance," kundi ito raw ay nagbibigay ng inspirasyon sa iba.

"I am extremely honored to be able to stand alongside brilliant and empowered women, thank you People Asia for this award as woman of style and substance. I will cherish the meaning of this award for the rest of my life and I hope to continue inspiring people through authenticity, relatability and kindness," sabi ni Celeste.

"This is a constant reminder that beauty should always go beyond physical appearance, how you inspire others and what you do to help your community is what truly matters," dagdag niya.

Bukod kay Celeste, tumanggap din ng nasabing "award" sina French Ambassador Michèle Boccoz, Sen. Risa Hontiveros, Tourism Secretary Christina Frasco, Grab Philippines country head Grace Vera Cruz, at marami pang iba.

Si Celeste ang kakatawan sa Pilipinas sa 71st Miss Universe pageant na mangyayari sa New Orleans sa Amerika sa Enero.