Ibinalita ng celebrity mom na si Max Collins na nakasama siya sa cast ng "Almost Paradise" Season 2.

Sa kanyang IG, ipinakita ni Max ang kanyang pinakabagong blessing.

"Secret's out! I'm part of Almost Paradise season 2! Can't wait for you all to watch it," saad ni Max. "So lucky I get to work with this action star @christiankane1."

Nag-comment naman ang American actor sa naturang post ni Max.

""We are all happy to have you. You Rocked it!! More to come!" sey ni Christian.

Ang "Almost Paradise" ay isang American-Filipino crime-drama TV series na co-production ng Electric Entertainment, CMB Films, at ABS-CBN Entertainment.

Ang unang season nito ay ipinalabas noong March 2021 at ang mga eksena ay kinunan sa iba't ibang bahagi ng Pilipinas.

Matatandaang nitong Agosto ay pumutok ang mga chika sa social media na magiging parte si Max ng isang Kapamilya project.

Sa isa pang Instagram post ay binati rin ng American actor at bida sa "Almost Paradise" ang aktres sa pagiging parte nito sa international series.

"Beauty and the beast! Welcoming the talented Max Collins to #almostparadise So much fun for us to work with her," saad ni Christian. "I know I look sweaty and disheveled, (beast) but in my defense, right before the picture was taken I did spend over an hour fighting two guys in 114 degree heat. She'll back me up on this. Welcome Max."