Ilang katao ang pinangangambahang patay habang ilan ang kumpirmadong sugatan sa karambola ng mga sasakyan sa isang highway sa Tupi, South Cotabato, Biyernes ng gabi.

Ayon sa South Cotabato-Disaster Risk Reduction Management Office,  unang iniulat sa kanila ng mga EMS responder na dalawa ang kumpirmadong patay habang hindi bababa sa isang dosenang iba pa ang isinugod sa ospital sa Koronadal City 7:30 ng gabi.

Naipit sa aksidente ang isang bus, truck, tatlong pick-up, tatlong SUV, limang motorsiklo at isang tricycle.