Lalaki, arestado sa buy bust sa Bataan

Arestado ang isang 23-anyos na lalaki sa isinagawang buy-bust operation ng Mariveles Municipal Police Station sa pangunguna ni Police Major Larry Valencia.

Isinagawa ang operasyon dakong ala-una ng madaling-araw sa Bonifacio Street, Barangay Poblacion, Mariveles, Bataan.

Nakumpiska mula sa suspek ang humigit-kumulang 100 gramo ng hinihinalang shabu na tinatayang nagkakahalaga ng ₱680,000. Nakumpiska rin ang limang tig-₱1,000 na marked money at isang cellphone na umano’y ginamit sa transaksyon.

Ayon sa suspek, may isang taong nagsusuplay sa kanya ng ilegal na droga at siya lamang umano ang nagsasagawa ng delivery.

Nahaharap ngayon ang suspek sa kasong paglabag sa Section 5 at Section 11, Article II ng Republic Act No. 9165 o Comprehensive Dangerous Drugs Act of 2002.