Signal no. 1 itinaas sa ilang lugar dulot ni 'Verbena'

Nakataas na sa Signal No. 1 ang Tropical Cyclone Wind sa iba’t ibang bahagi ng bansa dahil sa bagyong Verbena.

Ang bagyong ito ay nagsimula sa dating Low Pressure Area (LPA) sa silangan ng Mindanao na namataan noong nakaraang linggo at huling naitala ang sentro nito sa layong 330 km silangan ng Surigao City, Surigao del Norte.

Taglay nito ang lakas ng hanging umaabot sa 45 km/h malapit sa gitna at pagbugsong umaabot hanggang 55 km/h. Patuloy itong kumikilos pa-kanluran sa bilis na 30 km/h.

Narito ang mga lugar na nasa ilalim ng Signal No. 1

LUZON

• Katimugang bahagi ng Occidental Mindoro (Magsaysay, San Jose)

• Katimugang bahagi ng Oriental Mindoro (Bulalacao, Mansalay, Roxas, Bongabong)

• Romblon

• Mainland Masbate

VISAYAS

• Gitna at timog na bahagi ng Eastern Samar (Borongan, Guiuan, at iba pa)

• Gitna at timog na bahagi ng Samar (Catbalogan, Basey, Calbiga, at iba pa)

• Biliran, Leyte, Southern Leyte

• Hilaga at gitnang bahagi ng Cebu kabilang ang Cebu City, Mandaue, Lapu-Lapu, Carcar, Naga, Toledo, Talisay, Bantayan Islands, at Camotes Islands

• Bohol

• Hilagang bahagi ng Negros Occidental (Bacolod, Silay, Victorias, Cadiz, Sagay, San Carlos, at iba pa)

• Hilagang bahagi ng Negros Oriental (Guihulngan, Canlaon, Vallehermoso, at iba pa)

• Iloilo, Capiz, Aklan, Antique (kasama ang Caluya Islands) at Guimaras

MINDANAO

• Dinagat Islands

• Surigao del Norte kabilang ang Siargao at Bucas Grande Islands

• Hilagang bahagi ng Surigao del Sur (Tandag, Cantilan, Madrid, at iba pa)

• Hilagang bahagi ng Agusan del Norte (Cabadbaran, Tubay, Santiago, at iba pa)