PBB Big Winner Fyang bagay i-partner kay Daniel Padilla

Kinikilig ang fans sa posibleng pagtatambal ng Pinoy Big Brother (PBB) Gen 11 grand winner na si Fyang or Sofia Smith sa tunay na buhay at Daniel Padilla.

Talagang todo-push ang fans para magtambal ang dalawa. Ang tingin nila sa magiging tambalan ng dalawa ay ‘fresh chemistry.’

Si Fyang ang itinanghal na PBB Gen 11 Big Winner sa historic big night na humakot ng mahigit 2.26 milyon na online live views.

Si Fyang ay nakakuha ng 30.66 public votes at itinanghal bilang 18th Big Winner ng nasabing reality program.

Bilang winner, nag-uwi si Fyang ng  brand-new house and lot at P1 million.

Nakilala si Fyang bilang “Anakabogerang Influencer ng Mandaluyong City.”

“I can’t believe this! I want to thank every one of you, who has supported me since day one. I did it!” say ni Fyang after manalo.

Kahilera na ni Fyang ang mga products ng Pinoy Big Brother tulad nina Kim Chiu, Gerald Anderson, Melai Cantiveros, Alexa Ilacad, KD Estrada, Robi Domingo, Bianca Gonzales, Enchong Dee at marami pang iba.