![Julia Barretto at Joshua Garcia
tagumpay sa ‘gamitan’](http://media.assettype.com/tribune%2F2024-08-21%2Fginkz4bk%2FUntitled-1.jpg?w=480&auto=format%2Ccompress&fit=max)
Para sa pangkat katkatera, isang malaking tagumpany ang ‘gamitan’ nina Julia Barretto at Joshua Garcia kasi nga ang kanilang pelikulang pinagtambalan muli, ang “Un/Happy For You” ay siksik, liglig at umaapaw ang kita sa takilya,
Ayon sa opisyal na pahayag mula sa Star Cinema, naka-P65 milyon ang kinita nito nung unang araw na ito ay isinalang sa mga sinehan. Kaya bullish ang pamunan, huh. Hindi kataka-taka na sa kasalukuyan ay naka-P165 na ang tinabo nito at siguradong mas lolobo pa ito lalo na nga’t panalo ang word of mouth at feedback sa nasabing pelikula.
Sa wakas, sobrang saya tiyak ni pretty miss Barretto dahil sa major, major na tagumpay ng pelikula nila ni Garcia, mapapatawad na siya sa major flops niyang kasama sina Carlo Aquino, Aga Muhlach at iba pa, huh!
Siguradong maligaya rin si young master Joshua lalo na nga’t sumadsad rin sa takilya ang huli niyang pelikua na “Fruitcake.”
Ang tagumpay nina Julia at Garcia ay patotoo na may fandoms silang may purchasing power at dahil maganda ang kwento nito, maraming nanonood, naka-relate at palong-palo ang word of mouth.
Marami sa mga taga entertainment industry ang masaya sa magandang resulta ng “Un/Happy For You” dahil bago pa nga magsimula ang opisyal na Ber months, may pelikula na agad na pangmalakasan sa takilya.
Congratulations na matagumpay niyong “gamitan” Julia Barretto at Joshua Garcia at naway ang mga susunod na ipapalabas na pelikulang Pilipino ay maging palong-palo rin.
***
Ang aking unimpeachable source, may chikang binulong at gaano kaya katotoo ito. Ayon kay US, nagka-emergency meeting ang pamunuan ng mga taga-Kamuning kasi nga patuloy ang pagiging spaghetting pababa sa ratings ng kanilang epic drama, ang “Pulang Araw.”
Nag-one digit rating kasi ito kamakailan at ang pangunahin nilang katapat, ang “FPJ’s Ang Batang Quiapo” na ang bida ay tinaguriang Bagong Hari, si Coco Martin, naka-two digits ang ratings, at 18.7 ang inirehistro sa pinagkakatiwalaang ratings provider na siyang biblya ang tingin at pananalig ng mga advertiser.
Ang pag-asang kinakapitan ng mga taga-“Pulang Araw,” papasok na si Dennis Trillo sa nasabing historical serye bilang si Yuta Saitoh na siyang maghahasik ng lagim sa World War II drama.
Alam naman nating lahat na may loyal audiences at followers si Dennis at balitang-balita na kinarir nito ang pagiging Hapong mananakop. May Japanese dialect coach pa si Trillo. May samurai at war gun trainor pa. Si Dennis pa ba? Hindi siya tatanghaling GMA Drama King kung wala siyang preparasyong ganiyan noh.
Naku, unimpeachable source, ang PR team ng mga ka-Siyete, ano ba ang kanilang ginagawa at tila hindi binombomba sa chika ang mga mambabasa at online viewers kaya ayan, luhaan ang “Pulang Araw!” Sayang na sayang, huh!