Ang “Determined Daughter ng Camarines Sur” na si Therese Villamor ang kauna-unahang na-evict sa Pinoy Big Brother Gen 11 edition matapos makakuha ng pinakamababang save votes.

Sa live eviction night ay nakakuha si Therese ng combined save and evict votes na 16.22 porsyento samantalang ang saved housemate na si Dylan Yturralde ay nakakuha ng 40.6 porsyento at si Noime Steikunas ay nakakuha ng 22.57 porsyento.

“Therese, mula pa lamang sa labas ng aking bahay, ipinakita mo na ang iyong tapang at determinasyon para abutin ang iyong mga pangarap. Nang makilala ka ng iyong mga kasama, nakita ko ang tapang mo na maipakita ang iyong tunay na sarili sa halip na iyong mga pangamba. At sa pagbukas ng iyong puso, muli mong natagpuan ang labis na pagmamahal para sa iyong pamilya,” say ni Kuya.

“Anuman ang mangyari, hangad ko na baunin mo ang supprta ng iyong mga mahal sa buhay para umabot sa tagumpay,” dagdag pa niya.

Sa paglabas niya sa PBB House ay sinalubong si Therese nina Melai Cantiveros, Enchong Dee at Bianca Gonzalez.

Noong nasa Bahay ni Kuya si Therese ay ito ang kanyang natutunan: “Ngayon natuto akong mag-step up natuto ako na itama ‘yung mga mali ko. Never give up, never lose hope.”

Sa kanyang paglabas sa PBB House ay ito naman ang natutunan niya: “Ang pinaka-nagbago is natuto po akong mag-open up. Natuto akong ibaba ‘yung walls ko.”