Kathryn Bernardo nagpakitang gilas sa pagluluto

Ipinakita ni Kathryn Bernardo ang hindi pa alam ng publiko sa kanya -- ang kanyang galing sa pagluluto.

Nag-post kasi si Kathryn ng ilang photos at video sa kanyang Instagram account kung saan makikita siyang nagluluto. And mind you, hindi lang isa o dalawang putahe ang kanyang niluto during break sa shooting nila ni Alden Richards sa Canada for “Hello, Love, Again.”

“Just another update nobody asked for: food edition!”

Yan ang caption ni Kathryn sa kanyang IG Post.

Isa sa mga nag-react sa post na iyon ni Kathryn ay ang premyadong actress na si Amy Austria.

Sa comment section ay ito ang kanyang mensahe sa leading lady ni Alden: “Ay ang galing mo na magluto anak @bernardokath. Pwede ka na mag asawa. Love you.”

Sa kasalukuyan ay dalawang lalaki ang nali-link kay Kathryn -- si Alden at ang Lucena mayor na si Mark Alcala.

***

Bayani Agbayani tatakbo sa 2025 elections

Ibinunyag ng comedian na si Bayani Agbayani ang kanyang intention na tumakbo sa election next year.

In-announce ni Bayani sa kanyang interview kay Ogie Diaz na plano niyang tumakbo as a nominee para sa TUPAD party-list.

“Kinonsulta ko yung mga kapatid ko, ‘yung asawa ko, dahil gusto ko talagang makatulong sa ating mga kababayan at siyempre kung wala ako sa posisyon maaaring hindi ko ito mabigyan ng 100 percent na pagtulong,” say niBayani.

“Kaya nag-decide po ako at ipinagdasal ko naman sa Panginoong Diyos at parang binigyan niya ako ng senyales,” dagdag pa niya.

“I’m 55 na. Siguro kailangan naman akong magbigay ng legacy na tumulong sa kapwa ko, hindi lang ‘yung puro lang pagpapatawa,” say pa ng komedyante.

Actually, na-bash si Bayani sa isang Facebook site.

“Pinakakakatawang gagawin ng komedyanteng ito ha ha ha...

Pero di siya nakakatuwa!”

“Wow na wow bigat. OMG. From nothing to high position. Mag isip isip naman ang botante. Huwag gawin ang congress at senate comedy bar.”

Pero may nagtanggol naman kay Bayani.

“Pwede naman choice na Lang Tao. Wag judgemental SA kapwa natin. Degree holder si bayani p.u.p graduate Yan. Basta tapat ang intensyon ok Lang yon. My edge na Lang at artista sya,” say ng isang fan.