Maris Racal nagpasabog ng kagandahan sa Instagram

Para maiba naman ay nag-post si Maris Racal ng mga pasabog na “ganda-gandahan” pictures sa kanyang Instagram account.

“Namiss ko lang mag post ng ganda gandahan,” say ni Maris sa kanyang caption.

Isa sa libo-libong nag-comment ay si Kaladkaren na nagsabing “Maganda naman talaga kasi!”

Ang ilang fans ni Maris di nakapagpigil sa pagbibigay ng paprika sa aktres.

“You are always beautiful. Take care palagi. See you soon.”

“Gusto ko talaga face nya pag walang make up eh or natural look lang.”

“Bakit tinago mo naman tong mga pictures na to, apaka ganda.”

Dalawa ang aabangan ng fans kay Maris this year. Una ay ang launching movie nila ni Anthony Jennings na sinisimulan nang i-shoot.

Sumikat ang accidental love team nina Maris at Anthony sa “Can’t Buy Me Love” na pinagbidahan nina Belle Mariano at Donny Pangilinan.

Kasama rin sila sa bagong action series na pagbibidahan nina Richard Gutierrez at Daniel Padilla.