SHARON CUNETA TODO ANG PAGKALIGWAK

Pinag-uusapang totoo ang mga major winner sa pag-arte sa Star Awards for Movies.

Nakatuon ang chika sa pagkaka-hirang sa tatlong huling movie queens Superstar Nora Aunor, Star For All Season Vilma Santos at Diamond S t a r Maricel Soriano bilang mga pinakamahuhusay na aktres.

Ang Pambansang Alagad ng Sining Para sa Pelikula at Broadcast Arts, si Aunor ay wagi para sa “Pieta.” Ang kauna-unahang movie queen na naging grand slam best actress, si Vilma, tagumpay dahil sa “When I Met You In Tokyo.” At ang maningning at walang kupas na si Soriano, panalo para sa “In His Mother’s Eyes.”

Sa sampung nominado para sa pangunahing aktres, ang Megastar, si Sharon Cuneta na isa rin sa tinuturing na huling movie queen, ligwak, luhaan at hindi kasama sa makasaysayang pagtatabla sa husay at galing bilang aktres.

Ay! Ang taray ng voting members mula sa PMPC. Ipinakita lang nila na may pribelihiyo silang magsuplada at kumikilos ayon sa kanilang ganda, huh! Para sa pamantayan nila sa mahusay na pagganap, hindi kumbinsido, walang paghaplos sa puso ang pagbibigay ni Cuneta sa kanyang katauhan sa pelikulang “Family of Two” na sila ni Alden Richards ang bida.

Patungkol kay Richard, panalo rin ito bilang pinakamahusay na aktor para sa pelikulang “Five Break Ups and A Romance” at ang katabla niya sa kategorya ay si Dingdong Dantes para sa “Rewind.”

Ang Best Picture ay ang “Mallari. “Ang Best Independent Film ay ang “Litrato” na idinirehe ni direk Louie Ignacio.

May nagmamarkulyong sentimyento kaya ang Megastar Sharon Cuneta sa pagkakaligwak niya sa best actress? Ay, kaabang-abang na tunay ang susunod na kabanata, huh!

***

Kamukha niya lamang ba o ang dating Guapings at isa sa pinakamahusay na character actor sa kasalukuyan, si Mark Anthony Fernandez, ang lalaking bidabida sa mapangahas na bidyo?

Mapangahas ang bidyo dahil kitang-kita rito ang naghuhumindig na pagkalalaki na inginungusong kay Fernandez. At mapapanood rin ang aktwal na pakikipagtalik sa bidyo, pati na rin ang paglalaro at pagsubo ng kaparehang babae sa ari-arian na diumano ay kay Fernandez. May isang eksena sa mapangahas na bidyo na di sinasadyang maibunghalit ang pangalan na “Mark” ng babaing nakadapa sa kama at pinaliligaya.

Kung si Mark Anthony Fernandez nga ang lalaki sa bidyo, dapat ba siyang magpakatotoo at akuin na siya nga ang lalaki? Sino ang nagpakalat sa mapanghas na content at ano ang kanyang adhikain kaya niya ibinahagi ito?