Elijah Alejo rumesbak sa bully

Matapang at palaban pala ang Sparkle artist na si Elijah Alejo.

Nang matanong kasi siya kung na-experience niya ang ma-bully ay oo ang naging sagot ng dalaga.

“Nakapasa po kasi ako sa Science High School. Ang ano nila sa akin noon, kaya lang daw ako natanggap kasi artista ako. Kaya lang daw ako nakapasa kasi artista,” kuwento ng dalaga.

Eventually, nakilala ni Elijah kung sino ang nagpakalat ng fake news sa kanya

“Nakilala ko ‘yung nag-spread ng rumor na iyon. He’s a guy. Isinumbong ko kay Mama. Sabi ni mommy, ‘sugurin mo ‘yan, labanan mo, patulan mo.’”

Obedient kid that she is, sinunod niya ang payo ng kanyang mother dear. Sinugod talaga niya ang guy.

“Naghabulan po kami sa buong building. Four floors po iyon,” chika ni Elijah.

Sinaktan ba niya ang nam-bully sa kanya?

“Kinuwelyuhan ko lang po kasi masyado akong hiningal. Pero supposedly sabi ni mommy sapakin ko raw para matuto. Masyado akong hiningal, nawalan ako ng lakas, eh,” say niya.

Happing ending naman ang nangyari sa kanila ng guy.

“After noon ay natigil na ang pambu-bully. Naging friends po kami. Up until now ay best friends kami,” say ng dalaga.