Loisa Andalio at BF, nanakawan

Nanakawan nitong nakaraan ang magkarelasyong sina Ronnie Alonte at Loisa Andalio sa isang café somewhere sa Bacoor City, Cavite nitong Miyerkoles ng gabi dahil nabiktima sila ng basag-kotse gang.

Ayon sa mga ulat, ipinarada nina Ronnie at Loisa ang kanilang mamahaling jeep sa gusali kung saan malapit ang café na pinuntahan nila.

Natangayan ng iPhone 11 at iPhone 13 ang dalawa nang basagin ng mga salarin ang middle right side window ng sinakyang black Jeep Wrangler JL model.

Nangyari ang insidente sa Molino Road, Barangay. Molino 3, Cavite base sa report ng Bacoor City Police kung saan nag-file ng police report ang aktor na si Ronnie na nakasuot ng short, white sneakers, at bucket hat.