Dedo ang isang motorcycle rider matapos lumipad at ma-shoot sa kanal nang mabundol ng nag-overtake na police mobile, sa San Carlos City, nitong Miyerkules.
Sa ulat ni PLt. Col. Jesus Mesahon Jr., hepe ng San Carlos City PNP, ay kinilala ang biktimang si Roy Vallente, 35, habang ang suspek ay nakilalang si John Mil Kenn Nieves, 37, empleyado ng lokal na pamahalaan ng San Carlos City at residente ng Sitio Talave.
Nangyari ang insidente kahabaan ng National Highway na sakop ng Hacienda Socorro, Barangay Punao.
Pabalik na umano sana sa police station ang patrol car ng biglang mag-overtake sa kasunod ng tricycle ito at hindi nito napansin si Vallente.
Sa lakas ng pagkakabundol ay lumipad ang biktima at na-shoot sa kanal dahilan upang magtamo ito ng matinding pinsala sa ulo at katawan na naging sanhi ng agaran nitong kamatayan.
Kasong reckless imprudence resulting in homicide ang kinakaharap ngayon ni Nieves.
