Connect with us

Concept News Central

Presyo ng langis, bababa

Published

on

MAGPAPATUPAD ang mga kompanya ng langis ng bawas presyo sa susunod na linggo matapos namang magpatupad ng malaking pagtaas.

Base sa pagtaya, aabot ang rolbak sa diesel mula P3 hanggang P3.30 kada litro, samantalang inaasahan naman ang P0.60 hanggang P0.90 kada litrong pagbaba sa presyo ng gasolina sa susunod na linggo.

Samantala, sa hiwalay na abiso, sinabi ng Unioil na posibleng bumaba ang diesel mula P2.90 hanggang P3.00 kada litro at P0.40 hanggang P0.60 kada litro para sa gasolina.

Inaasahang ihahayag ng mga kompanya ng langis ang halaga ng ibaba sa presyo ng kanilang produkto sa Lunes, na ipatutupad alas-12 ng hatinggabi.

Umaasa naman ang mga stakeholder na bababa nang tuluyan ang presyo ng langis sa pagpasok ng bagong administrasyon.

Nauna nang nangako si presumptive president Bongbong Marcos na titiyakin niyang bababa ang presyo ng mga bilihin.

“So my approach would be to continue to collect the excise tax but provide an oil subsidy so that anybody who is using oil-related products will feel the effect,” sabi ni Marcos sa mga nakaraang kampanya.

Nangako si Marcos ng subsidiya para sa mga driver ng public utility vehicle (PUV) na apektado ng walang tigil na pagtaas ng presyo ng produktong petrolyo.

Advertisement

LIKE US ON FACEBOOK

Advertisement
Advertisement