Connect with us

Concept News Central

MRT-3 naserbisyuhan ang 315,283 pasahero ngayong 4 Abril

Published

on

SINABI ng pamunuan ng Metro Rail Transit 3 (MRT-3) na naserbisyuhan nito ang tinatayang 315,283 pasahero ngayong Lunes, 4 Abril 2022 sa harap naman ng ipinatutupad nitong libreng sakay simula 28 Marso hanggang 30 Abril 2022.

Idinagdag ng MRT-3 na aabot sa 18 3-car CKD train set at dalawang 4-car CKD train set sa mainline ang tumatakbo araw-araw.

Nasa 18 hanggang 21 na tren naman ang tumatakbo kada araw.

Matatandaan na nasa 250,000 hanggang 300,000 mga pasahero ang sumasakay sa MRT-3 kada araw bago magsimula ang pandemya noong Marso 2020.

Sinimulan namang patakbuhin sa bilis na 60kph ang mga tren ng linya noong ika-7 ng Disyembre 2020 at nabawasan din ang average headway o oras sa pagitan ng mga tren mula 8.5-9 na minuto sa 20 tren, pababa ng 3.5-4 minuto.

Samantala, mahigpit na ipinatutupad ang minimum public health and safety protocols sa buong linya, gaya ng pagbabawal sa pagkain, pag-inom, pakikipag-usap sa telepono, at pagsasalita sa loob ng mga tren. Mahigpit ding ipinatutupad ang pagsuot ng face mask samantalang boluntaryo ang pagsuot ng face shield.

Advertisement

LIKE US ON FACEBOOK

Advertisement
Advertisement