Connect with us

Concept News Central

Lampas 8K OFW, naka-quarantine

Published

on

Inihayag ng Overseas Workers Welfare Administration (OWWA) nitong Lunes na nasa 8,600 overseas Filipino workers (OFW) ang naka-quarantine sa buong bansa dahil sa banta ng mas nakahahawang COVID-19 Omicron variant.

Ayon kay OWWA administrator Hans Cacdac, ang mga nasabing OFW at naka-quarantine sa 195 hotels at dagag niya, nasa manageable level pa ito dahil bumaba na ito mula sa 14,000 OFWs noong isang buwan.

Pero inamin ni Cacdac na nakatanggap sila ng mga reklamo dahil sa delay ng paglabas ng resulta ng swab tests ng mga OFW.

“Ito ay gawa nung matinding volume ngayon ng mga nagpapa-test. Nakikita naman po natin ‘yan sa mga resulta ng COVID cases natin sa pang araw-araw,” sabi ni Cacdac.

Dapat natatanggap ng mga OFW na naka-quarantine sa mga hotel ang kanilang swab test results sa loob ng 24-48 oras. Pero dahil sa dami ng specimen na kailangan i-test, umaabot umano ito nang higit 4 na araw.

“Sinosolusyonan na po ito. Naiibsan na po ang situwasyon as compared to say 1 or 2 weeks ago,” saad ni Cacdac at dagdag niya, pinapayagan na aniya ang ilang government at private laboratories para mas mapabilis ang pagproseso sa swab tests.

“Dahan-dahan na nating silang napapauwi. Na-restore na ang 2,000 na napapauwi from accommodation on a daily basis,” sabi ng OWWA official.

Advertisement

LIKE US ON FACEBOOK

Advertisement
Advertisement