2 patay, matapos makuryente habang nag-aayos ng internet connection

Patay ang dalawang magpinsang lalaki matapos makuryente matapos na maaksidenteng mahawakan ang isang kable habang inaayos ang kanilang internet connection sa Passi, Iloilo kamakalawa ng hapon.

Sa ulat ng Passi Police, alas-2 ng hapon nang maganap ang insidente sa loob ng bahay ng magpinsang sina Jasper Siaoting, 28 at Jean Lloyd Cerbo, 20, ng Brgy. Buyo, Passi City, Iloilo.

Nag-aayos ng kanilang wifi ang mga biktima nang hindi sinasadyang mahawakan ng mga ito ang isang open electrical wire na mayroong malakas na boltahe, dahilan para sila mangisay.

Isinugod sa pinaka malapit na ospital bagamat binawian din ng buhay.