Tugade: Daan-daang proyekto, natapos sa ilalim ng administrasyong Duterte

Ibinida ngayong Lunes ni Transportation Secretary Arthur Tugade ang mga proyektong pang-transportasyon sa ilalim ng “Build, Build, Build” program bago ang State of The Nation Address (SONA) ni Pangulong Rodrigo Duterte ngayong Lunes, 26 July.

Ayon kay Tugade, ang mga minanang proyekto ng kasalukuyang administrasyon ay higit na pinagtibay at lubos na pinagpabuti. Isa sa mga halimbawa nito ay ang Ninoy Aquino International Airport (NAIA).

Sinabi ni Tugade na kung noon ay tinatawag ang NAIA na “One of the Worst Airports,” ngayon ay isa na itong “One of the Most Improved Airports”.

Sa usaping railways sector, idinagdag ni Tugade na bumilis ang takbo ng tren mula 30 kilometer per hour tungo sa 60km/hr.

Naging episyente ito upang pababain ang paghihintay ng pasahero sa tatlong minuto mula sa siyam na minuto.

Aniya, ginawa rin na mas komportable ang pagsakay sa tren.

Nang tanungin ukol sa “credit grabbing” isyu, iginiit ni Tugade na ang mga ideya at plano bago ang administrasyon ni Duterte ay nabago kayat dapat lamang na pasalamatan din ang mga taong nagpatupad ng mga proyekto.