Connect with us

Concept News Central

2 huli sa P200k ‘shabu’ sa Malolos buy-bust

Published

on

Arestado ang isang pareha sa pagbebenta umano ng ilegal na droga nang nakumpiskahan sila ng nasa P200,000 halaga ng hinihinalang shabu sa buy-bust operation sa Malolos City, Bulacan, Martes ng umaga, Hunyo 8.

Ayon sa report ng Malolos City Police-Station Drug Enforcement Unit (SDEU), bandang 1:15 ng madaling-araw nang maaresto sina Jayson Aleman, residente ng Biñan, Laguna; at Eden Sto. Domingo, taga-Quezon City sa operasyon sa Barangay Atlag sa Malolos.

Sinabi ni PCMs. Jayson Salvador, team leader ng SDEU, na nakatanggap sila ng impormasyon tungkol sa umano’y pagbebenta nina Aleman at Sto. Domingo ng ilegal na droga sa lugar.

Nang makabili umano ang poseur buyer ng droga sa pareha ay kaagad na inaresto ng pulisya ang mga ito.

Pitong sachet ng hinihinalang shabu, na tumitimbang ng 30 gramo at nagkakahalaga ng P200,000, ang nakumpiska umano sa mga suspek, gayundin ang isang cell phone, at marked money.

Nasa detention cell na ng Malolos City Police sina Aleman at Sto. Domingo, na kapwa kakasuhan sa paglabag sa Comprehensive Dangerous Drugs Act of 2002 (RA 9165).

Advertisement

LIKE US ON FACEBOOK

Advertisement
Advertisement