Connect with us

Concept News Central

Pahinante, patay sa karambola ng apat na truck

Published

on

Isang lalaking pahinante ng truck ang patay matapos na maipit sa loob ng sasakyan na kanilang ibinibyahe nang masangkot ito sa isang karambola kasama ang tatlo pang truck sa Davao City noong Miyerkules ng hapon.

Sa ulat ni PCapt. Philip Dave Uddin ng Marilog Police Station, pasado alas-4 ng hapon nang maganap ang insidente sa kahabaan ng Davao Bukidnon Highway sa Sitio Bugac, Barangay Suawan ng nasabing lungsod.

 

May kabilisan umano noon ang takbo ng truck na kinalululanan ng biktimang si Ryan Postrano Cabaniero, 29 anyos, truck helper at residente ng Barangay Toril sa nasabi ring lungsod kaya’t nang paparating na sa pakurbang daan sa lugar ito ay hindi agad namalayan ng kasamang driver ni Cabaniero na may mga nasa harapan pala nilang mga truck din dahilan upang mawalan ito ng kontrol sa kanyang manibela.

Doon na bumangga ang truck sa kasunod na dump truck na bumangga din sa isa pang forward truck na bumangga din sa isa pang elf truck, sa lakas ng impact ay naipit sa loob ng passenger seat ang biktima na agaran niyang ikinasawi.

Mabilis namang nakaresponde sa lugar ang mga awtoridad gayundin ang mga rescuer na nagtulong -tulong upang makuha ang katawan ni Cabaniero sa loob ng nagkalasog-lasog ding truck.

Sa ngayon ay nasa kustodiya na ng nasabing istasyon ng pulis ang mga driver ng mga truck na sangkot sa karambola habang nagsasagawa pa rin ng pagsisiyasat sa nasabing insidente at ang mapatunayang may pagkakasala sa nangyari ay papatawan ng kasong reckless imprudence resulting in homicide and damage to properties.

Advertisement

LIKE US ON FACEBOOK

Advertisement
Advertisement