Connect with us

Concept News Central

PNP-PDEA SHOOTOUT PROBE SA KAMARA KANSELADO

TDT

Published

on

Hindi muna mag-iimbestiga ang House committee on dangerous drugs tungkol sa naganap na barilan sa pagitan ng mga tauhan ng Philippine National Police at Philippine Drug Enforcement Agency sa Commonwealth avenue sa Quezon City nitong Miyerkules.

Ayon kay Surigao del Norte Rep. Robert Ace Barbers, chair ng komite, hindi muna sila magsasagawa ng imbestigasyon upang bigyang daan ang isinasagawang pagsisiyasat ng National Bureau of Investigation hinggil sa insidente.

Sa Palasyo, hiniling ni Pangulong Rodrigo Duterte ang Kongreso na ipagpaliban na muna ang mga nakatakda nitong pagdinig hinggil sa shootout na ikinasawi ng lima katao.

Pakiusap ni Duterte hayaan na munang gawin ng NBI ang imbestigasyon bago pumasok ang Kamara at Senado sa kani-kanilang pagbusisi.

“Our scheduled committee hearing or investigation in aid of legislation on Monday, March 1, is temporarily suspended as a courtesy to and in order not to hinder the ongoing investigation,” pahayag ni Barbers sa isang kalatas.

Samantala, inaasahan na magbibigay rin ng kanyang pahayag si Sen. Ronald “Bato” Dela Rosa, na siya namang chairman ng committee on public order na magsasagawa sana ng imbestigasyon sa Martes.

Una nang iniutos ni Duterte sa NBI na imbestigahan ang nasabing shootout.

“Gusto ng Presidente na magkaroon ng impartial investigation para maiwasan ang mga malilikot na mag-isip at para rin sa peace of mind ng mga biktima na patas ang imbestigasyon,” pahayag ni Presidential Spokesman Harry Roque.

Advertisement
Advertisement
Advertisement