Connect with us

Concept News Central

3 pulis na wanted sa pagpatay sa Koreano arestado

Pat C. Santos

Published

on

Arestado ang 3 pulis Maynila matapos akusahan ng umano’y pagpatay sa isang Koreano sa Maysan, Valenzuela City noong 15 Pebrero.

Kinilala ni Manila Police District Director P/BGen. Leo Francisco ang mga inaresto na sina PCpl Darwin Castillo, PSSG Carl Legazpi at PCpl Samruss Inoc, pawang nakatalaga sa Roxas Blvd. PCP, Malate Police Station 9 Baywalk, Maynila.

Hinuli ang tatlo ganap na alas-3 ng hapon noong 21 Pebrero.

Idinagdag ni Francisco na inaalam pa ang motibo ng pagpatay sa biktimang si Sunuk Nam, 44.

Inaresto ang tatlo ng Valenzuela City Police Tracker team sa pakikipag-ugnayan sa MPD sa pamumuno ni Major Ferdinand Mendoza.

Naaresto si Inoc sa loob ng Cultural Center, samantalang nahuli si Castillo ng tracker team sa Quarantine Control Point sa Baywalk, Roxas Blvd.

Naka-duty si Legaspi bilang miyembro ng security team sa Mendiola detachment sa San Miguel Manila nang siya ay arestuhin,

Agad na dinala ang tatlong suspek sa SITG tracker team ng Valenzuela CPS sa McArthur Highway, Karuhatan.

Natagpuang patay si Nam sa harap ng Angelous Cemetery, Purok 4, Area 6, G. Marcelo st., Maysan, Valenzuela City, ganap na alas-7 ng umaga noong 15 Pebrero.

Naunang naaresto ng Valenzuela police ang walong suspek kung saan itinuro ang tatlo pulis na sangkot umano sa krimen.

Nahaharap ang tatlo sa kasong murder.

Bukod sa kasong kriminal, nahaharap ang tatlo sa kasong administratibo.

 

Advertisement
Advertisement
Advertisement