Rason kung bakit nagpositibo sa COVID-19 ang nanay ng unang kaso ng UK variant inaalam na

Sinabi ng lokal na pamahalaan ng Quezon City na iniimbestigahan na kung paano nagpositibo sa coronavirus disease (COVID-19) ang nanay ng unang kaso ng UK variant.

Sinabi ni Dr. Rolly Cruz, Head ng Quezon City Epidemiology and Disease Surveillance Unit(CESU) na hindi tumuntong ng bahay nila sa Kamuning ang pasyenteng nanggaling sa Dubai at nagpositibo sa mas nakakahawang UK COVID-19 variant.

“We are already investigating how the mother of our UK variant case got infected with COVID-19, since the index case never set foot at home or in the community and did not have any interaction with her after arriving in the Philippines from Dubai on 7 January,” sabi ni Cruz.

Ito’y matapos kumpirmahan ng magpositibo ang nanay at kasintahan ng unang kaso ng UK COVID-19 variant.

Sinabi ni Cruz na sumailalim lahat ang mga miyembro ng pamilya ng pasyente ng UK COVID variant sa swab test.

Idinagdag ni Cruz na dinala na rin ang sample ng swab test ng nanay sa Philippine Genome Center noong isang linggo para matukoy kung ito ay isang ordinaryong  kaso ng COVID-19 o isang UK variant.

“Her results will be released any day now,” dagdag ni Cruz.

Tiniyak ni Cruz na naka-isolate na rin ang kasintahan ng unang kaso ng UK variant at ipinadala na rin ang kanyang sample sa Philippine Genome Center.

“We will soon learn whether she has the UK variant like the index case, or the regular Covid-19 virus,” ayon kay Cruz.

Kasabay nito, niliwanag ni Cruz na tanging ang unang kaso lamang ng UK variant na sakay ng Emirates flight ang nag-iisang residente ng lungsod.

Sinabi ni Cruz na halos magaling na ang unang kaso ng UK variant.

“We are just waiting for guidance from the DOH if he still needs to extend his quarantine period to ensure he will no longer be infectious,” ayon pa kay Cruz.