Connect with us

Concept News Central

VCO studies, suportado ng DoH

Published

on

Inihayag ni Department of Health (DoH) Secretary Francisco Duque III na sinusuportahan ng kanyang ahensya ang mga pag-aaral kaugnay sa paggamit ng virgin coconut oil para sa mabilis na pagpapagaling ng mga pasyenteng inoobserbahan dahil sa coronavirus disease (COVID-19).

Sa isang panayam sa radyo, sinabi ni Duque na magiging maganda para sa bansa kung magkakaroon ng alternatibong makakapag-paayos ng pakiramdam ng mga taong may COVID-19.

“We support the worthy efforts of the Department of Science and Technology (DoST) kung makakatulong ito sa pagpapaige o pagpapagaling ng mga pasyenteng may COVID,” saad ni Duque.

Kung matatandaan, inobserbahan ng DoST at Food and Nutrition Research Institute (FNRI) ang 57 probable at suspect cases para sa COVID-19 sa Sta.

Rosa, Laguna at lahat sila nasa 20-anyos at mahigit ang edad, at walang problema sa puso.

Ang kalahati sa kanila binigyan ng VCO kasama ng kanilang pagkain, habang ang kalahati pa na nagsisilbing control group ay walang VCO na natanggap.

Sa pag-aaral, ang sintomas sa VCO group ay bumaba sa ikalawang araw at tuluyang nawala noong ika-18 araw.

Bumaba rin umano ang c-reactive protein levels na tumutukoy sa infection level ng isang tao.

“Tayo sumusuporta diyan. Alam naman natin matagal na na ang VCO may taglay itong anti-microbial o anti-viral properties baka makatulong naman ito sa mas magandang pangangasiwa ng mga COVID-19 infection,” sabi ni Duque.

Advertisement

LIKE US ON FACEBOOK

Advertisement
Advertisement