Joshua Garcia nasapak ni Jeremiah Lisbo

Hindi nagustuhan ni Joshua Garcia ang isang fight scene nila ni Jeremiah Lisbo habang kinukunan ang isang eksena sa teleseryeng “Unbreak My Heart” noong 2023.

Itsinika ni Joshua ang hindi magandang karanasan kay Jeremiah sa isang episode ng Potluck Saturdays with Ben. Talagang nadismaya ang aktor nang mangyari ang fight scene nila ni Jeremiah kung saan ay dapat pekeng suntok mula sa aktor ang magaganap.

"Si Miah, kailangan niya akong sapakin. You know naman, sa lahat ng mga eksena, kailangan peke lang lahat," chika ni Joshua.

"Ang sakit masapak. Sinapak niya ako, sumapul sa ilong ko. Continuous lang ako pero ang black na ng paningin ko," kuwento pa ng aktor.

"Pag cut niya, sabi nila, sinapak ko yung door and then sinigawan ko siya sa harap niya. 'Ang tanga naman ng ginagawa mo. Isang sapak lang yun, nagkamali ka pa.' Pero hindi ko siya sinaktan," dagdag pa niya.

Kuwento pa ni Joshua, hinila siya ng co-star niyang si Gabbi Garcia at ipinatawag si Jeremiah para mag-usap.

Pero wala na iyon para kay Joshua. Naging best friends sila after that.

"I love Miah. Sobrang simple ng tao na yun. That guy is really kind talaga," say ni Joshua.